KİV nümayəndələri üçün “Koronavirus 2” adlı virtual foto sərgi hazırlandı

KİV nümayəndələri üçün “Koronavirus 2” adlı virtual foto sərgi hazırlandıBu

Dünyanı cənginə almış koronavirus pandemiyası Azərbaycandan da yan keçməyib. Bu çətin dönəmdə “Görünməyən qəhrəmanlar” adlandırılan bir çox peşə sahibləri kimi, kütləvi informasiya vasitələrinin nümayəndələrinin də rolu danılmazdır. Çünki bu peşə sahibləri də öz sağlamlığını təhlükə altına ataraq virusla mübarizə aparanlarla çiyin-çiyinə əzmlə çalışaraq əhalini məlumatlandırmağa çalışırlar.

Azmilli.com əbər verir ki, bir müddət öncə pandemiya dövründə fədakarlıqları ilə seçilənlər sırasında mətbuatda çalışan fotoqrafların xüsusi yeri olduğunu, onların öz sağlamlığını təhlükə altına ataraq karantin günlərində virusun yaratdığı fəsadları foto kameralarının yaddaşına həkk etmələri barədə məlumat verilmişdir. Bununla əlaqədar olaraq “Gilavar” Azərbaycan Foto Klubu fərqli sosial layihə ilə çıxış etmişdir. “Evdə qal, evdə yarat” təşəbbüsünə qoşulan foto klub tərəfindən “Koronavirus” adlı virtual foto sərgi hazırlanıb. Sərgiyə olan maraq nəzərə alınaraq layihənin davamı kimi “Koronavirus 2” adlı ikinci bir virtual sərgi ərsəyə gətirilib.

Layihənin rəhbəri, fotoqraf Rəşad Mehdiyevin sözlərinə görə, bu dəfə foto klub tərəfindən fərqli mövzuda virtual foto sərgi hazırlanıb. Ümumiyyətlə bu virtual sərginin yaradılmasında məqsəd heç bir çətinliyə baxmayaraq xəstəlik riskini göz önünə alaraq kadr arxasında qalaraq peşə fəaliyyətini davam etdirən insanları cəmiyyətə tanıtdırmaqdır. Eyni zaman da bu insanların zəhmətlərinə cüzi də olsa dəyər və dəstək verməkdir. İlk virtual sərgidən fərqli olaraq bu sərgidə adi və sərt karantin günlərində yalnız iş başında olan media nümayəndələrinin fotoları sərgilənir. Virtual sərgidə 5 mətbuat katibi, 19 jurnalist, 19 fotoqraf və 12 video operatorun 55 şəxsi fotosu yer alıb”.

Qeyd edək ki, “Gilavar” Azərbaycan Foto Klubu tərəfindən hazırlanan “Koronavirus” adlı ilk virtual sərgidə 19 azərbaycanlı fotoqrafın pandemiya dövründə çəkdiyi 56 fotosu sərgilənib. 

Bu keçidlərə daxil olmaqla virtual sərgini ziyarət etmək, sərgilənən fotolara baxmaq və yaxud video formatda seyr etmək mümkündür:

https://www.artsteps.com/view/5e9ab18308293b32ee67c5e8

Добавить комментарий

Ваш адрес email не будет опубликован. Обязательные поля помечены *